ԲՈԼՈՐ ՆՅՈՒԹԵՐԸ

JTI (Japan Tobacco International) ընկերությունը 2023թ․ ճանաչվել աշխարհի 15 լավագույն գործատուներից մեկը իր բացառիկ կադրային քաղաքականությունների և դրանց կիռարման համար, ինչը հաստատվել է համաշխարհային Top Employers Institute-ի կողմից:

Այս ճանաչումը վկայում է, որ մեր մարդիկ միշտ գտնվում են մեր ուշադրության կենտրոնում և այն առաջընթացի մասին, որը մենք շարունակաբար գրանցում ենք՝ բարելավելով աշխատակիցների բարեկեցությունը, և ուշադրության կենտրոնում պահելով բազմազանության և ներառելիության հարցերը:

«Մեր արած ամեն գործողության կիզակետում մարդիկ են, ինչը JTI-ին դարձնում է բացառիկ Լավագույն գործատու: Մենք իսկապես հոգ ենք տանում մեր բոլոր աշխատակիցների մասին այնպես, ինչպես նրանք հոգ են տանում ընկերության մասին», - ասում է Նատալի Դինսերը, JTI-ի Բելառուսի և Կովկասի տարածաշրջանի Մարդիկ և Մշակույթ գործառնային տնօրենը:

Մենք հաջողությամբ իրականացրել ենք մի շարք նախագծեր, որոնք ուղղված են աշխատակիցների համար ավելի լավ աշխատանքային միջավայր ստեղծելուն.

- NWOW - New Ways Of Working («Նոր աշխատանքային մեթոդների քաղաքականություն»)՝ նախագիծ, որը թույլ է տալիս աշխատակիցներին որոշել աշխատանքի վայրն ու ժամը՝ մասնավորապես, երբ և որտեղ կցանկանային աշխատել: Այս մոտեցումը հիմնված է վստահության վրա և օգնում է աշխատակիցներին զարգացնել «աշխատանք-անձնական կյանք» ավելի հավասարակշռված համակցություն:

- Հավասար ընտանեկան արձակուրդի քաղաքականություն՝ 20 շաբաթ ամբողջական վճարովի արձակուրդ համապատասխան աշխատակիցների համար՝ անկախ սեռից:

- Արագ պարգևատրումների/կատարողական պարգևատրումների ծրագիր, որը հանդիսանում է JTI-ի ցանկացած աշխատակցի համար հնարավորություն՝ առաջադրելու իրենց գործընկերներին դրամական և ոչ դրամական պարգևների համար:

- Make It Bright Challenge ( «Դարձրու պայծառ» նախագիծը)՝ նախագիծ, որի շրջանակներում ուսանողները ստանում են բիզնես աշխարհի հետ շփման հրաշալի փորձ: Մրցույթի հաղթողները ստանում են միջազգային վարձատրվող պրակտիկա և կարող են նույնիսկ հետագայում դառնալ JTI-ի աշխատակիցներ։

Բելառուս և Կովկաս տարածաշրջանի ղեկավար Սերգեյ Բուկսան նշեց, որ JTI-ը ավելի քան 60 երկրում հաջողությամբ անցել են այս հավաստագրումը։ Նա նշեց նաև JTI Հայաստանի անձնակազմի առանձնահատուկ աշխատանքը.

«Արդեն 9-րդ տարին անընդմեջ որպես Լավագույն գործատու հավաստագրումը ուժեղ ազդանշան է մեր ներկա և ապագա աշխատակիցներին. մենք միշտ կշարունակենք առաջընթաց գրանցել մեր աշխատակիցների բարեկեցության բարելավման ուղղությամբ, կաջակցենք բազմազանությանն ու ներառելիությանը, որտեղ էլ որ աշխատենք, և մեր բոլոր գործընկերներին հնարավորություն կտանք զարգացնել իրենց կարիերան»:

JTI-ի մասին

JTI-ը ծխախոտի և տաքացվող ծխախոտային արտադրանքի միջազգային առաջատար արտադրող է, որը ներկայացված է աշխարհի ավելի քան 130 երկրներում: Ընկերությանն են պատկանում համաշխարհային թիվ երկու ապրանքանիշ` Winston-ը, ինչպես նաև Camel-ը (բացառությամբ ԱՄՆ-ի տարածքի): Ընկերության պորտֆելը ներառում է նաև Mevius և LD հայտնի ապրանքանիշերը: Ավելին, JTI-ը տաքացվող ծխախոտի և գոլորշիացման կատեգորիաների խոշոր դերակատար է Ploom և Logic ապրանքանիշերով: Ընկերության գլխամասային գրասենյակը գտնվում է Շվեյցարիայի Ժնև քաղաքում: Ընկերությունում ընդհանուր առմամբ աշխատում է մոտ 48,000 աշխատակից և այն իններորդ տարին անընդմեջ արժանացել է Global Top Employer մրցանակին: JTI-ն JT ընկերությունների խմբի անդամ է:

Ընկերության մասին լրացուցիչ տեղեկությունների համար այցելեք՝ www.jti.com

Կարիերայի զարգացման հնարավորությունների համար այցելեք՝ https://jobs.jti.com: